السبت، 30 مايو 2009

عندما ....




عندما تستيقظ مفزوعا في الصباح ... لانك عرفت انك متأخر نص ساعة عن ميعادك ... عارفة ان الدكتور هيدخلني المحاضرة و مش هيضايقني ... بس الست الموظفة اللي بتاخد الغياب هتسمّعني من المنّقي يا خيار (لوكال اوي الاكسبريشن دة ... ) ...و تقرر انك مش هتروح محاضرة النهاردة كمان للمرّة العشرين تقريبا تحاشيا لتلذذ عاملة او موظفة بتوبيخك و اذلالك من اجل شيء حقير ... تخيل بداية يومك تبقى فكرة زي دي !!!!! ... سو سو سو باااااااااااااد ... :(


و عندما تستيقظ مفزوعا من تعسيلة القيلولة ( وقد سبق تعريف كلمة تعسيلة من قبل في العامود اللي ع اليمين ... اما قيلوية ... فأنا على طول بسمعهم يقولوها كدة ) ... لأنك اكتشفت ان المغرب بيأذن وانت نايم من قبل العصر ........تستيقظ في لامبالاة مجهولة المصدر... تقعد على السرير و تسند ضهرك للحيط في لامبالاة ايضا و ماتعملش حاجة لمدة قد تصل لتلت ساعة غير ان باصص للسقف على نور الكام شعاع اللي لسة الضلمة مابلعتهمش ....تشعر انك مثقل ... لكن لا تدري لماذا ... تنظر لسقف الغرفة ... كأنه يملي عليك ما يخفف ثقلك ... تتعلق عيناك به اكثر لئلا يضيع ما يمليه عليك في فضاء الغرفة .... بل ينفذ من عينيك الى الداخل مباشرة ....تنظر و لا تفكر ... رأسك خالية ... لا احب ضوء السماء في هذا الوقت ... يذكرني ان هناك أشياء كئيبة ... و لكني احببته اليوم .... ربما لتناسق الالوان بين الداخل و الخارج ...اسمع صراخ اختي الصغيرة و هي تلعب ... لا اهتم ... و لكن اتذكر انه كان هناك اشياء صغيرة سعيدة ... و لم تعد هناك الان ...ان تكون في وقت كهذا على يقين ... انك اذا نظرت في المرآة ... لن تجد بريق عينيك ... الذي اعتدت عليه ..

. فبريق العينين دليل انه ما زال في الروح بقية ....


---------------------------------------

لا بأس بقليل من ال** اللي هو فوق دة مش عارفة أسمّيه ايه ....

ارجع و اقول


غدا يوم جديد ... :) :) :)




that's all falks ....

8 التعليقات:

نعكشة يقول...

أنا سمعت طق حنك دية فين قبل كدة؟؟؟؟؟؟؟

كتير بتحصلي

هما لية بيحبوا يبهدلونا يا مروة :]

ماهو احنا اللي سكتنالهم من الاول

لو كنا شجبنا مكانش حالنا بقة كدة

تصدقي كنت بفكر في حاجة شبة كدة من فترة

كنت قاعدة بفكر

لما مثلا كلية معروفة انها فيها كوسة أنا ادخلها ليه من الاول

و بعدين رجعت افتكر الدكتورة بتاعت الجي آي تي اللي قالت انا لا ابويا دكتور و بتاع و اديني اهوه ماسكة رئاسة الجي اي تي

و بعدين رجعت اتخيل منظرها و هيا بتحاول تستعيد شبابها المهدور في المزاكرة و التحصيل و الجد و التعب
في محاولات واهنة لارتداء ملابس لا تحتمل أن تبقى في وضعها لأكثر من ساعتين
حتى الايئارب من كتر التعب و المجهود اللي بتبذله كان بيرجع لورا

هل هيبقى منظري كدة لو حبيت اشتغل في الكلية وانا والدي مش دكتور فيها؟؟؟

مش عايزة

طيب انا عايزة ابقى دكتورة محترمةل يا عيادتي

مش هبقي دكتورة ثقة إل اعند سن الاربعين
يعني هقبض مرتب محترم بداية من سن الاربعين

طيب انا كنت عايزة استمتع بمرتبي و ادلع نفسي وانا لسة في شبابي

اتمتع بيه بعد المينوبوز؟؟؟؟؟؟؟

شيء بشع
و لذيذ يدعوني لاستكمال المسيرة

لإن الستات كلها بتحس بالبؤس بعد سن الاربعين في حين الدكاترة بيحسوا بقيمتهم الحقيقية في سن اربعين وانتي طالعة

.............

احساس بشع لما بكتشف اني نمت عن صلاة
استغعرب من لفظ لامبالاة اللي قولتيه
بس دورت في قواميسي
لاقيت الاقرب لشعوري حينها هو اللامبالاة

شعور بشع بانك مش عارف طيب مفروض تعمل اية يعني؟؟؟

يلا خير

بكرة هيبقى احلى على رأي معرفش مين


سلام عليكِ

Dr Gad يقول...

اهو انا من ساعه راوند النسا وانا بيحصلي كده بصحي مفزوع وبرضه بنام واصحي مبحلق في الضلمه كده لكن مبحلقش عشان اليوم بيخلص بسرعه فبقوم بسرعه اصلي و اقعد ازاكر

عودا احمد يا اوبتمستك :)

OPTIMESTIC يقول...

نعكشة .. :)

طق حنك دي كلمة شعبية ... اول مرة سمعتها في مسلسل غريب كدة
تاني مرة قريتها في رز بلبن ... كانت كاتبة كمية اكتئاب و تلاكيك لا بأس بها في الفصل دة .....

---------------

اهااااااااااااا ... دكتور عزّة امام ... الست دي كان شكلها بيتشقلب لانها من كتر ما عندها ضمير ... كانت بتبذل كل حاجة عشان تعمل اللي عليها .. و تفضل تلف يمين و شمال و تنط من ع التشيزلونج ... ربنا يمسيها بالخير بقى ...

هي ممكن تكون من الناس اللي مش بتهتم اوي انها تحافظ على شكلها و تبص في المراية كل خمس دقايق ...

-----------

اللامبالاة اللي بقول عليها مش عشان مش فارق معايا ان الصلا فاتتني ... اكيد لا ...

بس هو شعور بفراغ داخلي و خارجي ...
الشعور بان كل حاجة عبارة عن خطوط ... زي القلم الاسود اللي بنحدد بيه لوحة ... من غير اي الوان .... خلاص ... مرحتش الكلية و اليوم ضاع و الصلا فاتت .. اعمل ايه .. ابص للسقف شوية بقى ....

OPTIMESTIC يقول...

ديييييييييييد ... سعيدة بوجودك في هذا المكان المتواضع ...

انا بقالي كتير للاسف مش باجي هنا خالص ... بروح ع الفيس بوك رغم اني بتخنق منه بسرعة ...

واضح انها مؤامرة يا جاد و احنا المستهدفين ...

نفسي الاقي حد بيعامل طالب الطب عدل و بيحفظ كرامته غير الاقارب من الدرجة الاولى و التانية و سواقين الميكروباس لما يعرفوا انك على وشك انك تكون دكتور ....

:(

حاضر ... بعد كدة هاقوم اصلي و اذاكر .... مش هضرب سقف كتير ..:)

...............

احم ... محدش يفهمني غلط ... انا لسة اوبتيمستك زي ما انا ... بس تقدروا تقولوا ان دة الديبريسيف فايز بتاع البايبولار ...
او ان الضغط يولد الانفجار احيانا ... بس عاااااااااااديييييييي

:) ....

غير معرف يقول...

د.رومن
اولا يامروه احب احيييكى على الموضوع ده اسلوب الكتابه حلو اوى
ثانياانا اظن ان دكتوره عزه مكانتش مبهدله فنفسها دى كانت كويسه الى حد كبير دى كانت بتحط ليب جلوس كمان
ده فيه دكاتره تسد النفس المفتوحه بجد شفت منهم اتنين فى المترو انهارده وكانوا لسه فسنه 6 مش عارفه دول لما يكبروا هيبقي شكلهم ازاى!!!!!!
تصدقى انهارده بعد لما رجعت من الكليه جت على بالى فكره شيطانيهاوى
سألت نفسي ياتري لو كان الانتحار مش حرام كنت ممكن ألجأ ليه في ظل الظروف المقرفه والحاله النفسيه الزباله اللى الواحد فيها
بس الحمد لله اتوضيت وصليت الظهر وراحت الفكره من بالى
بس الواحد مش عارف يعمل ايه الدنيا ضلمه اوييييييييييييي ان كان الحاضر ولا المستقبل وكل الناس بتأكد انك مش هتشوف راحه بعد كده يا دكتور (بتفخيم الواو)
وفي النهايه انا بدعى ربنا انه يعوض علينا بأى حاجه ان شالله بربع جنيه
وشكرا

نعكشة يقول...

اكيد يا بنتي

مكنش قصدي ان الصلاة مش فارقة معاكي

بس بيبقى شعور باني هعمل اية :S

يعني لو قبل الصلاة هقوم جري الحقها

يلا خير

ربنا يمسيها بالخير و يفتح عليها و يكرمها

سلام عليكِ

نعكشة يقول...

معلش .. مانا مستغلة بقة

يا دكتور ة رومن

حلوة دكتورة دية
يلا خير

بالنسبة للدكتورة عزة
انا بحترمها جداً
و تقريبا من الدكاترة اللي معلقين معايا

عشان عندها ضمير و عشان عايزانا نتعلم
وعشان عايزانا نشتغل
و عشان و عشان

بس فعلاً كانت من كتر ماهي مش فاضية لنفسها و باصة للشغل اهم حاجة الدنيا بتبوظ خالص

دة قصدي

و بالنسبة للدكاترة اللي تغم النفس
انصحهم حتى لو مش لنفسهم يحاولوا يعملوا أي حاجة عشان نفسية المريض

مش كفاية علية الممرضات

سلام عليكم

OPTIMESTIC يقول...

ويلكوم يا اولاد ...

رومن منوراني ... لا و ايييييييييه ... عايزة تنتحر ... :)

ان شاء الله مفييش انتحار ...

اما عن دكتور عزة حبيبة الملايين ... فالست و الله شيك جدا و روشة موووووووت و بتحط ليب جلوس ... مش هزعلك ....

الفكرة انها بتيجي من بيتها زي الفل ... بس بتروح منهارة ...

:))