mood swings ,,,, ديبريسف على غير العادة

عارف .. احساسك انه مافيش جديد ... رغم ان كل يوم في احداث كتير .. اهو هو دة بقى

السنة بدأت ... اخدنا راوندات ... بدأنا ندور على الدروس ... اخد مع فلان و لا علان ...

علان عاجبني اكتر ... طيب اكمل معاه و لا اسمعه في البيت ... لا هاكمل .. طيب يا بابا عايزة فلوس الدروس .. دفعناها ..
يا عيااااااال ... عايزين نخرج نتمشى ... ماشي ... حددوا يوم ... حددنا يوم

مصر هاتلعب النهاردة مع الجزاير ... يا رب نكسب ... و يا رب الماتش يعدي من غير مشاكل ... هييييييييييه ... كسبنا

الشوارع سهرانة تحتفل للصبح .....

فرح صاحبتي النهاردة ... مبرووووووووك ... رحت الفرح ... و رجعت ... انبسطت قوي ... مافيش ساعتين بعد ما رجعت ... المود رجع لحالة الاكتئاب الحاد مرة اخرى ...
النهاردة الدرس مااتلغاش ... قشطة ... هانحضر ... الدرس خلص ... جري ع البيت عشان الحق الشوط الاولاني من اوله ... وصلت ع الماتش بالظبط ... مالحقتش البس لبس بألوان علم مصر ... مش ازمة ... الاورانج شغال ... ياللا نخرج عشان نلحق الماتش

ايييييييه الماتش المتقفل دة ... الحداشر لعيب قاعدين جوا المرمى !!!!

هيييييييييييييييييه ... جدو جدو جدو جدو ... برافو عليك يا وااااااااااااااد ....

مصر كسبت تاني ... الشوارع سهرانة - تاني - بتحتفل - تاني - للصبح - تاني برضه .....

معرض الكتاب فتح ... قشطة ... ياللا نروح ...

رغي مع صحابي في التليفون لغاية نص الليل .... تشات ع الفيس بوك للصبح ...
المفروض اذاكر العملي عشان عندي درس بالليل ... المفروض اسمع الجاينا تاني عشان كنت قاعدة نايمة في الدرس



اووووووووووووووووف ... زهقانة ... الحياة مافيهاش حاجة تتعمل ... الدنيا على قد ما هي مليانة ... بس فاضية برضه ....

الحاجات الحلوة بقت فرحتها في وقتها بس ...

مجرد temporary analgesic


بعدها المود بيرجع لحالة الملل القاتلة .... ... انا بكره الملل اكتر من الحزن ... ......

و نفس السؤال .. هنفضل كدة كتير ... و لا في نقطة نور (على رأي عمنا ... بهاء طاهر ) ... و الدنيا هتفتح حبة .؟؟؟ ...