مين الحكيم رافيكي ...
منعا للاطالة ... هو اللي في الصورة اللي فوق ... طبعا عرفتوه
تيمون و بومبا في يوم كانوا ماشيين سوا... أكيد عارفين تيمون وبومبا ...
بيدوروا على حاجة ... لسة مش عارفين هي ايه ... قعدوا يمشوا كتير ... ويدوّروا .. يدّوروا ... يدوّروا ...
لغاااااية لما لقوا قرد عجوز ... او هو اللي لقاهم ...
لما سألهم بيدوروا على ايه ... كل واحد منهم قال ييجي مليون حاجة ...طيب انهي اللي عايزين تلاقوه الاول ... مش عارفين
.... القرد العجوز سألهم حبة أسئلة .. وفي الآخر استنتج انهم بيدوروا على أكتر حاجة ... حقيقية و حلوة ... في نفس الوقت
قاللهم ...
لو عايز توصل للحاجة دي ... بص ورا اللي قدّامك ....*
تيمون و بومبا مفهموش حاجة ... بس وهم ماشيين ... كل خطوة كانت بتفسّرلهم حكمة رافيكي ...
*************************************
*ملحوظة ... الجملة دي من أحلى الحاجات اللي اتعلمتها نتيجة البحث والتنقيب الدؤوبين في أفلام الكرتون .... :)
9 التعليقات:
مممممممممممم مش متاكد اني فهمتها صح
ممكن شرح :D
فعلا حكمة رائعه
ولدكتور موت
تعني أن الأجمل والأكثر حقيقية هو من يقف خلف الانسان الذي يقف أمامك "أي انت"
وكل واحد فينا
كلنا جميل وكلنا بشر
أن محبة أنفسنا أولا... ستفتح أبواب المحبة على كل العالم...
شكرا لكِ.
السلام عليكم
ويلكوم جاد ... ويلكوم خجول ..
على فكرة اسمك جميل ...
تريد شرحا ...
اذن سكووووووووت ... اقفلوا موبايلاتكو .. ومش عايزة ولا حركة
بص يا ديد .. هي دي جملة كانت اتقالت في فيلم كارتون تيمون وبومبا
ممكن تفهمها بأكتر من وجه ...
خجول فهمتها بطريقة أنا مش فاهماها ...
ممكن نفهمها على انها ... انك لما تدور على اكتر حاجة حقيقية وحلوة ... ما تقفش عند مرحلة معينة اللي هي المرحلة اللي قدامك ... لا ... اللي وراها احلى , وفيها حاجات كتييير حقيقية ... دي وجهة نظر
وجهة نظر أخرى ...
انت لما بتبص لحاجة او حد .,.. بتوف منه ايه ؟؟؟ الظاهر منه ... اللي هو مظهره ... لو عايز احلى حاجة فيه وعايز توصل لحقيقته ... بص ورا المظهر ... اللي هو الباطن يعني القلب و الروح ...
بس المشكلة اللي انا عايزة حد يفهمهالي بقى
انا للدرجة دي بكلكع الحكايات وبتوّه الناس ؟؟؟؟ أصل كذا مرة حد -انا اثق في دماغه - ويقوللي كتابتك مش واضحة او مش عارفة توصّلي الفكرة :(
ولا غالبا الخط هو اللي مش حلو !!!
انا عن نفسي فهمتها بالوصف التاني اللي شرحتيه يا اوبتمستك
اما بقي لموضوع بتكلكعي ده يبقي انتي مقرتيش القديم ليا
هههههههههههههههههههههههه
الناس كانت بتدخل تقولي هو احنا بس اللي مش فاهمين ولا مستوي ذكائنا قل :D
انا في البدايه حسيت اني فاهمه ومش فاهمه معرفش ازاي
ولما قريت التعليقات فهمت بس حاسه الامور داخله في بعضيها شويه اصلي لسه صاحيه من النوم افوق بجردل نسكافيه وليا عوده ان شاء الله
تحياتي يا عسل شكلي هاجي هنا كتير
انتي تنورري يا ريهام طبعا ...
احيانا بيقولولي ان كلامي مش بيتفهم من اول مرة زي ما قلت لدكتور ديد :( :(
مش عارفة اذا كان دة السبب ولا عشان انتي لسة مشربتيش نسكافيه !!!
ياللا اتمنى لك حظا سعيدا مع النيسكافيه ومستنياكي تاني زي ما وعدتيني
:) :) :)
اها فهمت يعني نبص لجوهر الاشياء والاشخاص ونبطل نبص تحت رجلينا لا نبص خطواتنا الجايه هتوصلنا لايه (يكون عندنا قوه تخيل )وبعد نظر مش كده ؟؟؟
بالنسبه للجزء بتاع
"انا للدرجة دي بكلكع الحكايات وبتوّه الناس ؟؟؟؟ أصل كذا مرة حد -انا اثق في دماغه - ويقوللي كتابتك مش واضحة او مش عارفة توصّلي الفكرة :(
ولا غالبا الخط هو اللي مش حلو !!! "
لا الخط حلو وكويس بس حاولي تفسري كلامك عشان الناس تفهم قصدك
يعني انا واحده عندي زهيمر فبعمل حركه بتنفع معايا بعد ما بخلص من كتابه قصه معينه وابيضها وخلاص بركنها حوالي اسموع او اتنين وارجع اقراها مش علي اساس اني انا اللي كتباها لا بقيم نفسي بشوف انا فهمت ايه ايه الانطباع والمعني اللي وصلني وبكتب ملاحظات زي اني زودت في الوصف او قلت كلام مش مفهوم في السطر الفلاني الصفحه الفلانيه وبحط عند الجزء المحتاج تعديل نجمه ولو خطرلي اسلوب او كلمات احسن بكتبها جمب الملاحظه ولما بخلص بعيد ترقيع وتظبيط اللي كتبته وبسيبو بردو اسبوع وارجع اقراه
بس جربيها يمكن تنفع وهتلاقي نفسك بتتعلمي مع الوقت وهتوصلي لمرحله مش محتاجه للموضوع ده لانك بقيتي تعرفي تزنيها وديما حطي في بالك ان القارء شخص ميعرفكيش ولا يعرف تفكيرك ولا فااهم انت بتتكلمي عن ايه اصلا فحاولي توضحي بايجاز
سوري علي التطويل بس بقالي فاتره عامله زي ابله نظيره عماله ادي في نصايح اتمني مش اكون ضايقتك او زهقتك بس بجد المدونه حلوه قوي واسلوبك حلو بس لو كلو كده يبقي محتاجه شويه تركيز وايضاح وتبقي تمام
ريهام ... طبعا تطولي براحتك :)
الطريقة اللي بتقولي عليها حلوة ...
بعملها كتير وعملتها في كذا حاجة من اللي قبل دي ...
بالنسبة لحكمة رافيكي انتي فهمتيها بشكل قريب مننا ... بس وجهة نظر حلوة ومنتكية للغاية ...
نورتي ... :)
إرسال تعليق