أصدقائي ... سلامو عليكو ...
دعونا نتحاور ... استفتاء حبيت اعمله ...
اتكلم ... اللي عايز يقول حاجة يتفضل بلا حدود او قيود (مش اوي يعني )
أجب عن السؤال التالي ...
ان كان عندك قلب في صدرك
وعقل في رأسك ...
ولسان في فمك ...
وقلم في جيبك ....
وحزاء في قدمك (معلش اضطريت اكتبها بالزاي بسبب عطل في الكي بورد ... )
كنا بنقول ايه ؟؟... اه
و أمامك جبار من جبابرة الارض .... وجها لوجه ...
مازا ستفعل ؟؟ (عطل في الكي بورد برضه ... )
تزكر...... لم اقل عندك حزاء فقط ... في حاجات تانية ما تنسوش ...
********************************************
أحب نسمع بعض ... واما عن رأيي ... هاقوله في الاخر :)
****
11 التعليقات:
اول حاجة هحس بالظلم بقلبي
و يتيقن منه عقلي
وبعدين
هفكر انا ممكن اعمل اية
هل اكتب حاجات و انشرها للناس عشان اجمع عقول و قلوب الناس التانية معايا نقف وقفة رجل واحد
او اكلم الجبار دة لو يجي الكلام معاه بالزوق
منفعش
هيبقى قدامي حل من اتنين
لو الكلام الاولاني للناس نفع كلنا هنستخدم الأحذيه و ننطلق في حرب عارمة بالاحذية ضد الطاغي او الجبار و الحاشية بتاعته
او
لو منفعش الكلام مع الناس و قلت كلامي لوحدي ضد الطاغية الجبار مسمعنيش و الناس مسمعتنيش و مفيش أمل
هستخدم حذائي لوحدي
و هخوض المعركة لوحدي
عشان ابقى عملت اخر حاجة اقدر اعملها بقلبي و عقلي و لساني لاني هشتمه وانا برميه بالحذاء
بس
سلام عليكِ
حسيب ألبي وعقلي على جنب شوية
وبعدين ابقه مطلعه لساني عشان حكون بشتمه
وأجيب القلم بقه واخزء فيه عينيه
وبعد كده استعمل حزائي(بدون عطل في الكي بورد ) عشان اجري بيه
والله أنا هأعمل حاجة من الإتنين الأولى هأتكلم وأغير بلساني لإنه أعظم الجهاد كلمة حق عند سلطان جائر لو منفعش يبقى الجزمة هتشتغل لإن من رآى منكم منكرا فليغيره بيده
مدوتي
السلام عليكم
ويلكوم يا شباب ....
اتفقنا مش هقول رأيي دلوقتي ... بس حبيت أرحب بيكو ...
بالنسبة للتعليق اللي اتحذف ... طلبت نتكلم سوا براحتنا ... ايه اللي حصل ؟؟؟؟
:(
u r welcome at all
:)
كلمة الحق في وجه الجبابرة تعتبر جهاد
ومنتظر قال كلمة حق و قام بفعله حق
و أي مخلص في مكانه كان سيقوم بنفس الفعلة
دمتم
مش هاعمل حاجة
وحتى لو كان في ايدي سلاح مش هاقتله
لأن عمر المشكلة ما كانت في شخص متجبر .. المشكلة فينا احنا .. اللي مش عايزين نضحي عشان نحصل على حريتنا وكرامتنا .
بس خلاص .
دزاسامه باطنه قال كلمه عجبتنى اوى فموضوع الجزمه دى
بيقول ان احنا اى العرب لامؤخذه مش رجاله عشان ييجى واحد زى بوش ده ويحتل دولة عربيه ويعدم رئيسها واحنا قاعدين نتفرج ومش قادرين نتكلم ولو اتكلمنا مش قادرين نتحرك
وده كله لاننا محتاجين امريكا فى اى حاجه وكل حاجه واهمها الطفح ومش قادرين نعمل لنفسنا كيان ولا مكان
وقال ايه فرحانين بحته جزمه حدفها واحد الله يرحمه بعد اللى اتعمل فيه
الجزمه دى المفروض تترمى على راس كل بنى ادم مسلم اوعربى مبيفكرش يبقى حاجة تنفع بلده وترفع شأنها
لو بجد فكرنا كده اكيد ربنا هيوفقنا ويعلى من شأن بلدنا ويبقالنا قيمه شويه على الاقل ناخد ثواب النيه
بالتأكيد سيهرول قلبي وهو في مكانه من شدة ما بي من ظلم ، لكني سأحوله إلى ابتسامة هادئة تأتيني من الله .. ولن أفعل شيئاً ولكن سأقول له كلمة واحدة
لا يبقى على حاله سوى وجه الله الكريم .. لا إله إلا أنت سبحانك إني كنتُ من الظالمين
هذه الدعوة دعاها سيدنا يونس وبها فرج الله همه وأخرجه من بطن الحوت
فما بالك لو كان بطن كلب؟
أؤمن بتوكيل الله فيما لا استطيع لذلك أتوقع أن يكون هذا ردي لمن ظلمني
اكيد هجري ساعتها و مش هعملو حاجة
و علي فكرو الذال فوق علي الشمال
جنب الواحد
بما ان العالم الان يستعمل الحذاء فى كل شئ، فاعتقد انى لن اتردد فى استعمال الحذاء لرمى اى شخص ظالم امامى.
إرسال تعليق